pre-enrolment

Kanina ay nagkita-kita na kami ng barkada ko dito sa med. Katuwa! ^_^. Na-miss ko din naman pala ung mga classmates ko kahit paano. Nakakatuwa silang makita ulit. Parehong kulitan pa rin, asaran, hiritan, picture-an, at kung ano pang carinyo brutal na nagpapatunay na mahal namin ang isa't isa. Haha.

Pre-enrolment kase namin kanina. Nagbayad kami ng mga council fees, school paper fees, insurance, philhealth at kung ano pang pandagdag sa bayaran ngayong pasukan. Bukas pa ang enrolment na tunay kung saan makukuha na namin ang Form 5 at magbabayaran na ng 13thousand para sa buong semester at makakatanggap kami ng classcards. Haaaay..... pasukan na naman....

Dumating na ung mga galing Dubai, Bacolod, Palawan, Cebu, Leyte, Mindanao, Quezon, at ung mga taga iba't ibang parte ng Iloilo. May tumaba, may pumayat din naman ng husto, at meron din namang walang pinagbago. May umitim, pumuti, nagpagupit, nag-gi-gym na, at meron ding meron nang girlfriend ngayon. Wala naman atang nag-break sa amin. Meron na ring may bagong kotse at meron syempre naglalakad pa rin papuntang school. At syempre, pasalubong galore. May nagdala ng piyaya, caramel tarts at kasuy. Sarap! Nung isang araw meron ding durian pie, durian candy, alamang, bagoong, fresh mangoes at dried mangoes. Sarap talga pag ung mga kaklase mo e galing sa iba't ibang parte ng Pilipinas. Parang nabisita mo na rin ang mga bahay nila sa mga pasalubong nila. =) Ang dala ko naman galing Davao ay tubao... mas magaan kase un kesa sa pomelo at durian candy. Hehe.